WVC-Schpiil 1974
s WVC-Schpiil pflägt als erschti Allschwiler Clique s‘Drummle und Pfyffe an dr Allschwiler Fasnacht. Mir nämme am offizielle Umzug teil.
Im Joor 2019 hän mir unser 45-jöörigs Jubileum g‘fyyrt.
Gründet isch die „Dambuure und Pfyfferschuel“ ehemols vo dr WVC-Wage-Clique im Joor 1974 worde - unter grossem + joorelangem Yysatz vom erschte Obmaa, em Hansjörg Goop.
Im Joor 2001 isch s „WVC-Schpiil“ en unabhängige Verein worde -
mit im Schnitt rund 20 Mitglieder.
Das isch no eso bis zum hütige Zytpunkt...
Willkomme
-
1.Spruch vom Daag:
chasch drummle oder pfyffe und wotsch an dr Allschwiler Fasnacht drby sy - denn schryb grad e Mail...
Mir freue n-ys über jede Zuewachs !
Mail: info[at]wvc-schpiil.ch (an Claude)
2. Spruch vom Daag:
Wottsch bi uns Passivmitgliid wärde?
S' choschtet nur e kleine Bytraag, und: Du wirsch zum Ladärne-Apéro am Samschdig vor dr Allschwiler Fasnacht yyglaade.
Mir freue uns über alli, wo uns und d‘Allschwiler Fasnacht wänn unterstütze...
Gaanz aggtuell:
mir sueche e Pfyffer-Instruggtr*in
interessiert? ...denn schriib uns - und mir lüte zrugg:
ursi.k-at-gmx.ch
